हेटौंडाः मानवसेवा आश्रमले राष्ट्रिय उद्दार कार्यक्रम अन्तर्गत एक महिने मेची–महाकाली यात्रामा दुई सय ८७ जना बेसाहारा सडकमानवहरुको उद्दार गरेको छ । उद्दार गरिएको व्यक्तिलाई मानवसेवा आश्रममा राखिएको मानवता प्रवद्र्धन महाअभियानका अभियन्ता मनोज घिमिरेले जानकारी दिनुभएको छ ।
पुस ७ गतेदेखि सुरु भएको मेची–महाकाली यात्रामा हालसम्म झापा, मोरङ, सुनसरी जिल्लामा बेसहारा सडकमानवको उद्दार गरिएको छ । आइतबार सप्तरी जिल्लामा अभियान टोली पुगेर बेसहारा सडकमानवहरुको उद्दार गर्ने अभियान रहेको मानवसेवा आश्रमका अध्यक्ष रामजी अधिकारीले जानकारी दिनुभएको छ । मेची–महाकाली यात्रामा मानवसेवा आश्रमका ३५ जना उद्दार टोली खटिएका छन् ।
