हेटौंडाः हेटौंडा–५ स्थित शान्तिनगर टोल विकास संस्थाको वार्षिक साधारणसभा शनिबार सम्पन्न भएको छ । टोल विकास संस्थाका अध्यक्ष देवबहादुर बुढाथोकीको अध्यक्षता तथा ५ नम्बर वडा अध्यक्ष राजेश बानियाँको प्रमुख आतिथ्यमा साधारणसभा भएको हो ।
साधारणसभामा शान्तिनगर क्लबका अध्यक्ष हरिबहादुर कुँवरको पनि उपस्थिति रहेको थियो । साधारणसभामा वडा अध्यक्ष बानियाँले टोल विकास संस्थाको विकास र टोल, वडावासीका लागि वडा कार्यालयबाट सम्भव सबैखाले आवश्यक सहयोग गर्ने प्रतिवद्धता व्यक्त गर्नुभएको छ ।
