हेटौंडाः सनराईज युथ क्लब डुम्रेकुनाको आयोजना तथा श्री जालपा देबि मावि डुम्रेकुनाको भूपु विद्यार्थीहरुको सहयोगमा विद्यार्थीहरुलाई जाडोमा न्यानो स्वीटर वितरण गरिएको छ ।
मकवानपुरगढी–६ स्थित जालापा देबि माविमा आज ५० जना विद्यार्थीहरुलाई न्यानो स्वीटर वितरण गरिएको सनराईज युथ क्लब डुम्रेकुनाका सचिव तथा कार्यक्रम संयोजक अशोक स्याङतानले जानकारी दिनुभयो । मकवानपुरगढी–६ मा रहेको सबै विद्यालयहरुमा क्लबले जाडोमा न्यानोका लागि बालबालिकाहरुलाई स्वीटर वितरण गर्ने भएको छ ।
क्लबले अब मकवानपुरगढी गाउँपालिका वडा नम्बर ६ को जानकी मावि, ईश्वरी प्रावि, कालिदेवि थान प्रावि, नवज्योति प्रावि र बालज्योति प्राविका ५०/५० जना विद्यार्थीहरुलाई स्वेटर वितरण गर्ने भएको छ । विद्यालयमा अध्यनरत गरिब बिपन्न एबम् आर्थिक अवस्था कमजोर भएका विद्यार्थीहरुलाइ जाडोबाट बच्न विभिन्न सहयोगीहरुबाट उठाइएको करिब १ लाख बराबरकोे स्वीटर वितरण गर्न लागिएको कार्यक्रम संयोजक स्याङ्तानले जानकारी दिनुभयो ।
