हेटौंडाः हेटौंडा–२, मनकामनाचोकस्थित प्रतिफल बचत तथा ऋण सहकारी संस्था लिमिटेडको सातौं वार्षिक साधारणसभा शनिबार सम्पन्न भएको छ । सहकारीका अध्यक्ष दिलिश गोविन्द जोशीको अध्यक्षता तथा हेटौंडा उपमहानगरपालिकाका मेयर हरिबहादुर महतको प्रमुख आतिथ्यमा साधारणसभा भएको हो ।
साधारणसभामा ज्येष्ठ सेयर सदस्य सुमित्रा कोइराला, असल ऋणी बल्लवी बानियाँ र असल बचतकर्ता भरतकृष्ण श्रेष्ठलाई सम्मान गरिएको छ । पाँच सय ४७ जना सेयर सदस्य रहेको सहकारीको सेयर पुँजी ६२ लाख ३१ हजार रुपैयाँ, बचत संकलन एक करोड ७१ लाख ८१ हजार रुपैयाँ रहेको छ भने ऋण लगानी दुई करोड ३० लाख ३४ हजार रुपैयाँ रहेको छ । कोरोना भाइरस संक्रमणको जोखिमका कारण सहकारी विभागको निर्देशिकाअनुसार साधारणसभा सम्पन्न गरिएको सहकारीका सचिव कल्याण पौडेलले जानकारी दिनुभएको छ । साधारणसभामा जिल्ला बचत तथा ऋण सहकारी संघ लिमिटेडकी अध्यक्ष कल्पना श्रेष्ठको पनि उपस्थिति रहेको थियो ।
