हेटौंडाः लायन्स क्लब अफ हेडम्बाले मकवानपुरगढी गाउँपालिका–४, फिर्केपाखास्थित ज्वालादेवी आधारभूत विद्यालयलाई स्वास्थ्य सामग्री सहयोग गरेको छ । सोमबार विद्यालयमा आयोजित कार्यक्रममा क्लबले मास्क, सेनिटाइजरलगायत १५ हजार रुपैयाँ बराबरको स्वास्थ्य सामग्री प्रदान गरेको हो ।
लायन्स क्लब अफ हेडम्बाका अध्यक्ष सुधीर दाहालको अध्यक्षतामा भएको कार्यक्रममा कृष्णराम न्यौपानेको प्रमुख आतिथ्य तथा क्लबका संस्थापक अध्यक्ष कविन सांगामी तथा विद्यालयका प्रधानाध्यापक शिवप्रसाद लामिछानेको विशिष्ट आतिथ्य रहेको थियो । रमिला घलान तथा अस्मिता श्रेष्ठको संयोजनमा स्वास्थ्य सामग्री वितरण कार्यक्रम भएको हो । केही दिनपछि विद्यालयलाई क्लबले विद्यालय बोर्ड तथा डस्टविनलगायत अन्य सामग्री प्रदान गर्ने लायन्स क्लब अफ हेडम्बाका अध्यक्ष दाहालले जानकारी दिनुभएको छ ।
