हेटौंडाः बागमती प्रदेश सभाका सभामुख सानुकुमार श्रेष्ठले प्रदेश सभाको निर्माण हुन लागेको हलको आज शिलान्यास गर्नुभएको छ । ४ करोड ३७ लाखमा प्रदेश सभा हलको निर्माण सम्झौता भई अर्धखाजी/सगुन/पारामाउन्ट जेभिले आजबाट काम सुरु गरेको छ । २०७९ बैशाख २१ गतेसम्म हलको निर्माण सम्पन्न गर्ने निर्माण कम्पनिले जनाएको छ ।
बागमती प्रदेशको राजधानी हेटौंडा कायम भएपछि प्रदेश सभा सचिवालयको परिसरमा आधुनिक प्रदेश सभा हलको निर्माण हुने भएको हो । कार्यक्रममा प्रदेशका भौतिक पूर्वाधार मन्त्री रामेश्वर फुयाल्, उपसभामुख राधिका तामाङ, नेपाली कांग्रेस प्रदेश संसदीय दलको नेता इन्द्र बहादुर बानियाँ लगायत प्रदेश सभाका कर्मचारीहरुको उपस्थिति रहेको थियो ।
