हेटौंडाः बागमती प्रदेशको प्रदेश सभाका सदस्यहरुको लागि कोभिड–१९ सम्बन्धी भूमिकाको विषयमा एक दिने सेमिनार हुने भएको छ । काठमाडौंको होटल याक एण्ड यतिमा भोलि शनिबार एक दिने सेमिनार हुने भएको प्रदेशसभाका सभामुख सानुकुमार श्रेष्ठले बताउनुभयो ।
संघीय राष्ट्रिय सभा, बागमती प्रदेश सभा र डब्लुएचओको संयुक्त्त आयोजनामा सेमिनार हुन लागेको उहाँले जानकारी दिनुभयो । बागमती प्रदेशमा हालसम्म १ लाख १७ जहार १९७ जनामा कोरोना पुष्टि भएको छ भने ६ सय ३१ जनाको कोरोनाको कारण मृत्यु भइसकेको छ ।
कोभिडको अवस्थामा डब्लुएचोले बागमती प्रदेश सभा सदस्यहरुको भूमिका कस्तो हुनुपर्छ भन्ने बारेमा सेमिनार गर्न लागेको सभामुख श्रेष्ठले बताउनुभयो । सभामुख श्रेष्ठका अनुसार बागमती प्रदेश सभाका सदस्यहरु र प्रदेशका सबै मन्त्रिहरु सेमिनारमा उपस्थिति हुनेछन् ।
