हेटौंडाः महाकवि लक्ष्मीप्रसाद देवकोटाको १ सय १२ औँ जन्मजयन्तीको अवसरमा आज हेटौडा–११ स्थित त्रिभुवन माविमा रहेको देवकोटाको अर्धकदको प्रतिमामा माल्यार्पण तथा पुष्पअर्पण गरिएको छ । साहित्य संगम मकवानपुर र युग प्रकाश क्लबको संयुक्त आयोजनामा माल्यार्पण कार्यक्रम भएको प्रगतिशिल लेखक संघ नेपालका केन्द्रिय परिषद् सदस्य सुवास खनालले बताउनुभयो ।
साहित्यकार तुलसी थापाले देवकोटाको अर्धकदको प्रतिमामा माल्यार्पण गरी कार्यक्रमको उद्धघाटन गर्नुभएको थियो । कार्यक्रममा साहित्य संगम मकवानपुरका अध्यक्ष निमेष निखिल,साहित्यकार मसान उपासक,साहित्यकार पत्रकार नवराज शर्मा, युग प्रकाश क्लबका अध्यक्ष दिपक सिवाकोटि, ११ नम्बर वडा अध्यक्ष गोकर्ण पराजुली लगायत वडा नम्बर ११ का स्थानियवासिको उपस्थिती रहेको थियो ।
