हेटौंडाः जिल्ला प्रहरी कार्यालय मकवानपुरले ३७ जना फरार प्रतिवादीहरुलाई पक्राउ गरेको छ । २०७७ कार्तिक २२ गतेदेखि २६ गतेसम्म ५ दिनमा ३७ जना फरार प्रतिवादीहरुलाई पक्राउ गरिएको जिल्ला प्रहरी कार्यालय मकवानपुरका प्रहरी प्रवक्ता ईन्द्रबहादुर रानाले जानकारी दिनुभयो ।
जिल्ला अदालत मकवानपुरबाट बिभिन्न मितिहरूमा भएको फैसलाले बिभिन्न शिर्षकका मुद्दाहरूमा जरिवाना तथा कैद सजाय तोकी फरार रहेका प्रतिवादीहरुलाई जिल्ला प्रहरी कार्यालय मकवानपुर तथा मातहत कार्यालयबाट खटिएका प्रहरी टोलीले पक्राउ गरी कैद तथा जरिबाना भुक्तानको लागि जिल्ला अदालत मकवानपुरमा उपस्थित गराएको छ ।
उनीहरुबाट ८ बर्ष ५ महिना १५ दिन कैद सजाय र ८० हजार ७५ रुपैयाँ जरिवाना भुक्तान गर्न बाँकी रहेकोमा जिल्ला अदालत मकवानपुरको आदेश अनुसार कैद भुक्तानको लागि कारागार कार्यालय पठाउने कार्य भइरहेको प्रहरी प्रवक्ता प्रहरी नायब उपरीक्षक ईन्द्रबहादुर रानाले जानकारी दिनुभयो ।
