हेटौंडाः नजिकिँदै गरेको नेपालीहरुको महान चाड तिहारलाई मध्यनजर गर्दै शनिबार मकवानपुरे गायक सुशील थिङको कोसेली स्वरुप ‘हामी देउसी भाई’ बोलको गीतको भिडियो सार्वजनिक भएको छ । हेटौंडामा पत्रकार सम्मेलन गरेर थिङको स्वर-लेखन एव्म संगीत रहेको म्युजिक भिडियो सार्वजनिक गरिएको हो ।
म्युजिक भिडियोमा विक्रम लुङ्बाको छायाङ्कन एवम् सम्पादक रहेको छ भने म्युजिक भिडियोको निर्देशन धिरेन लामाले गर्नुभएको बताइएको छ । म्युजिक भिडियोमा मकवानपुरकै कलाकारहरु सचिन वाईबा, निरु थिङ, प्रकाश तामाङ लगायतका कलाकारहरुको अभिनय रहेको छ । म्युजिक भिडियो करिब १ लाख रुपैयाँ लागतमा तयार भएको बताइएको छ ।
