हेटौंडाः हेटौंडा–१४ मा जारी टोल विकास संस्थास्तरीय ९ ए साइड फुटबल प्रतियोगितामा आज दुई खेल हुँदैछ । पञ्चबुद्व टोल विकास संस्था हेटौंडा–१४ को आयोजनामा आइतबार देखि सुरुभएको प्रतियोगिताको आजको पहिलो खेलमा दिउँसो २ बजे गौरी टोल बिकास संस्थाले लक्ष्मी टोलविकास संस्थाको सामना गर्नेछ भने दोश्रो खेलमा दिउँसो तीन बजे आयोजक पञ्चबुद्व टोल विकास सस्थाको बी टिमले समृद्धि टोल विकास सस्थाको बी टिम सङ खेल्नेछ ।
यस अघि आइतबार भएको उद्घाटन खेलमा चुरियामाइ टोल विकास संस्था र समृद्धि टोल विकास संस्थाको बी टिम बराबरिमा रोकिदै अङ्क बाँढेका थिए भने हिजै भएको दोश्रो खेलमा आयोजक पञ्चबुद्व टोल विकास संस्था को बी टिमले कालिदेबी टोल विकास संस्थाको टिमलाइ ३–० गोल अन्तरले पराजित गरेको थियो । लिग कम नक आउटको आधारमा खेलाइएको यस प्रतियोगिता को बिजेताले पन्ध्रकिलोको खसी र उप–बिजेता ले दुइवटा लोकल भाले साथै शिल्ड मेडल र प्रमाणपत्र प्राप्त गर्ने आयोजक पञ्चबुद्व टोल विकास सस्थाका अध्यक्ष श्याम कुमार भ्लोनले जानकारी दिनुभयो । प्रतियोगिताको फाइनल खेल आउँदो कार्तिक एक गते हुनेछ ।
