हेटौंडाः मकवानपुरमा आज दिउसो १३ जनामा कोरोना पुष्टि भएको छ । आज दिउसो हेटौंडा उपमहानगरपालिकाको आयूर्वेद तथा जनस्वास्थ्य प्रवर्धन शाखाले सार्वजनिक गरेको विवरण अनुसार हेटौंडा उपमहानगरक्षेत्रका १ महिला र ८ पुरुष, मनहरी गाउँपालिकाको २ महिला र २ पुरुषमा कोरोना पुष्टि भएको हो ।
बिहीबार सङ्कलन गरिएको १२२ स्वाब नमूना परीक्षण गर्दा आज १३ जनामा कोरोना पुष्टि भएको हेटौंडा उपमहानगरपालिकाका जनस्वास्थ्य निरीक्षक भोला चौलागाईले बताउनुभयो । यस्तै आजै २ जना कोरोना सङ्क्रमितको पुनः परीक्षण गर्दा रिपोर्ट पोजेटिभ आएको छ ।
