हेटौंडाः जेसीआई हेटौंडाको जेसीज सप्ताह २०२० सम्पन्न भएको छ । शुक्रबार अन्तिम दिन वक्तृत्वकला प्रतियोगिता तथा समापन कार्यक्रम भएको हो । जेसीआई हेटौंडाले यस वर्ष जेसीज सप्ताहका सबै कार्यक्रम भर्चुअल माध्यमबाट आयोजना गरेको थियो ।
‘समृद्धिका लागि युवा’ विषयक फाइनल वक्तृत्वकलामा अमृत बर्तौला प्रथम, विवेकानन्द न्यौपाने द्वितीय तथा सङ्गीत श्रेष्ठ तृतीय भए । वक्तृत्वकला प्रतियोगिताको निर्णायकमा जेसीआई हेटौंडाका पूर्वअध्यक्षहरु गणेश कुमार श्रेष्ठ, दीपकराज मिश्र र अरुण कुमार दाहाल रहनु भएको थियो । विषम् परिस्थितिका बाबजुद जेसीआई हेटौंडाले भर्चुअल माध्यमबाट विविध कार्यक्रमको आयोजना गरेर सप्ताहव्यापी कार्यक्रम सम्पन्न गरेको जेसीआई हेटौंडाका अध्यक्ष राजदेव बनियाँले बताउनुभयो ।
