हेटौंडाः मकवानपुरमा आज थप १३ जनामा कोरोना भाइरसको सङ्क्रमण पुष्टि भएको छ । आज दिउसो हेटौंडाका १४ जनामा कोरोना पुष्टि भएको थियो । त्यस्तै आज राति प्राप्त रिपोर्ट अनुसार हेटौंडा ७ की ७० वर्षीया १ महिला, हेटौंडा–१७ का ६३ वर्षीय एक पुरुष, हेटौंडा–१९ का ५ जना महिला र ३ जना पुरुषमा कोरोन पुष्टि भएको छ ।
त्यस्तै जिल्लाबाहिरका ३ जनामा कोरोना पुष्टि भएको हेटौंडा स्थित आइसोलेसन वार्डका जनस्वास्थ्य निरीक्षक भोलाप्रसाद चौलागाईले जानकारी दिनुभयो । भाद्र १२, १३ र १४ गते सङ्कलन भएका स्वाब मध्ये २९९ स्वाबको नमूनाको परिक्षण गर्दा १३ जनामा कोरोना पुष्टि भएको छ भने पुनः परिक्षण भएको ७ जना सङ्क्रमितहरुमा पोजेटिभ नै देखिएको छ । यस्तै ७ जनाको कोरोना सङ्क्रमितको परिक्षण गर्न बाकी रहेको छ भने ६ जनाको पुनः स्वाब लिनुपर्ने भएको चौलागाईले बताउनुभयो ।
