हेटौंडाः मकवानपुरको मनहरी गाउँपालिका–९, खरंगामा शनिबार साँझ नवजात शिशुको शव बरामद भएको छ । ईलाका प्रहरी कार्यालय मनहरीका अनुसार पूर्वपश्चिम राजमार्गदेखि उत्तरतर्फ जंगलको खोल्सामा शिशुको शव बरामद भएको हो ।
शनिबार साँझ ७ बजेको समयमा सालनालसहितको पुलिंगी नवजात शिशुको शव भेटिएको हो । शवको अवस्था हेर्दा शनिबार नै फालिएको हुन सक्ने प्रहरीको अनुमान छ । प्रहरीले घटनाबारे अनुसन्धान सुरु गरेको जनाएको छ ।
