हेटौँडा ः लागूऔषध खैरो हेरोईनसहित २ जनालाई मकवानपुर प्रहरीले पक्राउ गरेको छ । शुक्रबार राती ८ बजेर १० मिनेटको समयमा हेटौँडा–१५, रातोमाटेबाट प्रहरीले लागूऔषध खैरो हेरोईनसहित हेटौंडा–१ का २७ वर्षीय सनिप भोम्जन र हेटौँडा–२ का २१ वर्षीय विशाल क्षेत्रीलाई ८.५५ ग्राम लागुऔषध खैरो हेरोईनसहित पक्राउ गरेको जनाएको छ ।
पूर्व–पश्चिम राजमार्गअन्तर्गत प्रहरीको रातोमाटे चेकपोष्टमा पथलैयाबाट हेटौंडातर्फ आउँदै गरेको ना ३५ प ५८११ नम्बरको मोटरसाईकललाई रोकेर सुरक्षाजाँच गर्ने क्रममा मोटरसाइकल चालक भोम्जन र पछाडि सवार क्षेत्रीलाई प्रहरीले लागुऔषध खैरो हेरोईनसहित पक्राउ गरेको हो । भोम्जन र क्षेत्रीलाई मकवानपुर जिल्ला अदालतबाट १५ दिनको म्याद थप गरी अनुसन्धान कार्य अघि बढाइएको प्रहरीले जनाएको छ ।
