हेटौँडाः मकवानपुर प्रहरीले लागुऔषध गाँजासहित हेटौँडा–१४, नयाँबस्तीका ३३ वर्षीय चन्द्रबहादुर गोलेलाई पक्राउ गरेको छ ।
मंगलबार साँझ ५ बजेर ३० मिनेटको समयमा विशेष सूचनाको आधारमा इलाका प्रहरी कार्यालय पशुपतीनगरबाट खटिएको प्रहरी टोलीले गोलेको घरबाट ५ केजी गाँजा बरामद गरेको जनाएको छ । प्रहरीले गोलेलाई नियन्त्रणमा लिई मकवानपुर जिल्ला अदालतबाट ३ दिनको म्याद अनुमति लिई अनुसन्धान गरिरहेको जनाएको छ ।
