हेटौंडाः मकवानपुर प्रहरीले हेटौंडा–१५, रातोमाटेस्थित चेकपोस्टबाट लागूऔषध ओनरेक्ससहित २ जनालाई पक्राउ गरेको छ । बुधबार साँझ ५ बजेर ३० मिनेटको समयमा लागूऔषधसहित हेटौँडा–६ का २५ वर्षीय निश्चल विश्वकर्मा र बारा जिल्लाको जितपुर–सिमरा उपमहानगरपालिका–३ का १९ वर्षीय आर्यन अन्सारीलाई पक्राउ गरिएको जिल्ला प्रहरी कार्यालय मकवानपुरले जनाएको छ ।
पथलैयाबाट हेटौँडातर्फ आउँदै गरेको ना ६१ प ७४९२ नम्बरको मोटरसाइकललाई रोकी सुरक्षाजाँच गर्दा मोटरसाइकल चालक विश्वकर्मा र मोटरसाइकलमा सवार अन्सारीको साथबाट लागूऔषध बरामद भएको प्रहरीले जनाएको छ । मकवानपुर जिल्ला अदालतबाट ५ दिनको म्याद लिई थप अनुसन्धान भइरहेको जिल्ला प्रहरी कार्यालय मकवानपुरले जनाएको छ ।
