हेटौँडाः अवैध लागूऔषध गाँजासहित मकवानपुर प्रहरीले ट्रक र चालकलाई नियन्त्रणमा लिएको छ । आइतबार बिहान ५ बजथेर ३० मिनेटको समयमा विशेष सूचनाको अधारमा ईलाका प्रहरी कार्यालय मनहरीबाट खटिएको प्रहरी टोलीले मनहरी–९, ज्यामिरेबाट ट्रकलाई नियन्त्रणमा लिएको हो ।
पूर्व–पश्चिम राजमार्गअन्तर्गत मनहरी–९, ज्यामिरेमा मनहरीबाट हेटौँडातर्फ जाँदै गरेको ना ६ ख २३४४ नम्बरको कन्टेनर ट्रकलाई रोकेर सुरक्षाजाँच गर्ने क्रममा ट्रकमा ५६ किलो गाँजा बरामद भएको मकवानपुर प्रहरीले जनाएको छ । प्रहरीले ट्रक चालक मनहरी–८, सिमपानीका २७ वर्षीय अनिल कुमार थिङलाई पक्राउ गरेको छ । मकवानपुर जिल्ला अदालतबाट १० दिनको अनुमती लिई चालक थिङलाई प्रहरी हिरासतमा राखेर अनुसन्धान गरिरहेको प्रहरीले जानकारी दिएको छ ।
