हेटौँडाः हेटौँडा उपमहानगरपालिका वडा नम्बर–१२ को वडा अध्यक्ष पदमा नेकपा एमालेका उम्मेदवारले मनोनयन दर्ता गरेका छन् । हेटौँडा–१२ स्थित वडा कार्यालयमा रहेको मुख्य निर्वाचन अधिकृतको कार्यालयमा एमालेबाट वडा अध्यक्ष पदका उम्मेदवार राजेश नगरकोटीले आइतबार दिउँसो उम्मेदवारी दर्ता गराउनुभएको हो ।
बखान सिंह घलानको प्रस्ताव तथा अर्जुन प्रसाद अर्यालको समर्थनमा नगरकोटीले उम्मेदवारी दर्ता गराउनुभएको हो । २०७९ को स्थानीय तह निर्वाचनमा नगरकोटीले १ हजार २२५ मत प्राप्त गर्दै तेस्रो हुनुभएको थियो । वडाअध्यक्ष उम्मेदवार नगरकोटी नेकपा एमालेको भातृ संगठन राष्ट्रिय युवा संघ नेपाल मकवानपुर जिल्ला कमिटीको अध्यक्ष समेत हुनुहुन्छ ।
