हेटौँडाः धादिङ जिल्लाको धुनिवेशी नगरपालिका–७, ढाडेमा एउटा चितुवाको बच्चा मृत फेला परेको छ । सोमबार शिव शक्ति सामुदायिक वनमा अन्दाजी ३.५ फिट अग्लो चितुवाको बच्चा मृत अवस्थामा फेला परेको बागमती प्रदेश प्रहरी कार्यालय हेटौँडाले जानकारी दिएको छ ।
इलाका प्रहरी कार्यालय खानीखोलाबाट प्रहरी टोली खटी गएको थियो । टोलीले वन कार्यालयसँग समन्वय गरी मुचुल्का कार्य समाप्त पश्चात सोहि ठाउँमा वन कार्यालयको टोलीले मृत चतुवाको बच्चा खाडलमा पुरिदिएको प्रहरीले जनाएको छ ।
