हेटौँडाः चितवन जिल्लाको भरतपुर महानगरपालिका–२९ घुमाउनेमा र्याफ्टिङ गर्ने क्रममा एक अमेरिकी नागरिक घाइते भएकी छन् । घाइते हुनेमा ७४ वर्षीया सरीकला बतेज रहेको बागमती प्रदेश प्रहरी कार्यालय हेटौँडाले जानकारी दिएको छ ।
आइतबार एपी होलिडे र्याफ्टिङ टोलीले तनहुँ जिल्लाको दमौली सेति–मादी नदीदेखि त्रिशुली नदीमा र्याफ्टिङ गर्ने क्रममा अनियन्त्रित भई सरीकला घाइते भएकी थिइन् । घाइते सरीकलाको बायाँ खुट्टामा चोट लागेर भरतपुरस्थित चितवन मेडिकल कलेजमा उपचार पश्चात डिस्चार्ज गरिएको प्रहरीले जानकारी दिएको छ ।
