हेटौँडाः सिन्धुपाल्चोक जिल्लाको मेलम्ची नगरपालिका–८, केउरेनी स्याङबोखोरमा एक जना पुरुष मृत फेला परेका छन् । मृत फेला पर्नेमा ६० वर्षीय मेघनाथ गिरी रहेको बागमती प्रदेश प्रहरी कार्यालय हेटौँडाले जानकारी दिएको छ ।
बुधबार गिरी घरबाट ५ सय मिटर पर बारीमा सडी गलेको अवस्थामा फेला परेका थिए । स्थानीयका अनुसार गिरी करिब ५÷६ दिन अघिदेखि गाउँमा देखिएका थिएनन् । घरमा एक्लै बस्ने गरेका गिरीको शारीरिक अवस्था पूर्ण ठीक नभएको भन्ने बुझिएको प्रहरीले जानकारी दिएको छ । मुचुल्का पश्चात शव पोष्टमार्टमका लागि मेलम्ची नगर अस्पताल लगिएको प्रहरीले जनाएको छ ।
