हेटौंडाः मकवानपुरको राक्सिराङ गाउँपालिकाले ७ जना नगर प्रहरी नियुक्त गरेको छ । शुक्रबार गाउँपालिकामा एक कार्यक्रमको बिच ७ जना नगर प्रहरी नियुक्त गरेको गाउँपालिकाका उपाध्यक्ष वनस्तम थिङले जानकारी दिनुभयो ।
गाउँपालिकाका अध्यक्ष राजकुमार मल्ल र प्रमुख प्रशासकीय अधिकृत देवचन्द्र गर्तौलाले नियुक्तिपत्र प्रदान गर्नुभयो । गाउँपालिकाले ५ जना पुरुष र २ जना महिला नगर प्रहरी नियुक्त गरेको हो । नियुक्त हुनेहरु नेपाल प्रहरी र नेपाल सेनामा कार्य गरेकाहरु रहेका छन् ।
राजस्व संकलनलाई मध्यनजर गर्दै नगर प्रहरी नियुक्त गरेको उपाध्यक्ष थिङले बताउनुभयो । अहिले पालिकाभित्र नदिजन्य पदार्थमा भइरहेको राजस्व चुहावट, खानीहरुको निगरानी, बजार अनुगमनमा नगर प्रहरी खट्ने उहाँले बताउनुभयो ।
