हेटौंडाः हेटौंडा–८, कमानेमा भदौ ३० गतेदेखि सुरु हुन लागेको वडास्तरीय टी–२० क्रिकेट प्रतियोगिताको खेलतालिका सार्वजनिक गरिएको छ । नेकपा एमाले ८ नम्बर वडा कमिटीको सहयोग तथा नेपाल खेलकुद महासंंघ वडा कमिटीको आयोजनामा भदौ ३० गतेदेखि असोज ५ गतेसम्म हुन लागेको वडास्तरीय टी–२० क्रिकेट प्रतियोगिताको खेलतालिका सार्वजनिक गरिएको हो ।
सार्वजनिक खेल तालिकाअनुसार पहिलो दिन ३ खेल हुनेछ । चन्द्रोदय माध्यमिक विद्यालयको मैदानमा हुने पहिलो खेलमा आयोजक र हेटौंडा–५ ‘ए’बीच प्रतिस्पर्धा हुनेछ भने दोस्रो खेलमा हेटौंडा–९ र हेटौंडा–३ बीच प्रतिस्पर्धा हुनेछ । यस्तै, तेस्रो खेलमा हेटौंडा–१ र हेटौंडा–४ बीच प्रतिस्पर्धा हुनेछ । प्रतियोगितामा १९ टिमको सहभागिता रहेको छ ।
नकआउट प्रणालीमा सञ्चालन हुने प्रतियोगिताको उपाधि विजेता टिमले ५० हजार रुपैयाँसहित शिल्ड, मेडल तथा प्रमाणपत्र प्राप्त गर्नेछ भने उपविजेता टिमले २५ हजार रुपैयाँसहित शिल्ड, मेडल तथा प्रमाणपत्र प्राप्त गर्नेछ । उत्कृष्ट मार्चपास गर्ने टिमका लागि पनि पुरस्कारको व्यवस्था गरिएको छ । लामो सयमदेखि खेल क्षेत्रमा योगदान पु¥याउने व्यक्तिलाई सम्मान गरिनेछ । प्रतियोगिता आयोजनाका लागि ३ लाख ५० हजार रुपैयाँ खर्च हुने आयोजकको अनुमान छ ।
