हेटौँडाः लागुऔषध चरेशसहित २ जनालाई मकवानपुर प्रहरीले पक्राउ गरेको छ । शुक्रबार साँझ ६ बजेर ५५ मिनेटको समयमा हेटौँडा–१५, रातोमाटेस्थित प्रहरी चेकपोष्टबाट प्रहरीले धादिङ जिल्लाको गजुरी गाउँपालिका–८ का ४२ वर्षीय केदार तामाङ र ३६ वर्षीय सुकमान तामाङलाई प्रहरीले १४ किलो चरेशसहित पक्राउ गरेको जिल्ला प्रहरी कार्यालय मकवानपुरले जनाएको छ ।
प्रहरीले सुरक्षाजाँच गर्ने क्रममा हेटौँडाबाट पथलैयातर्फ जाँदै गरेको ना ७ ख ६०६१ नम्बरको यात्रुबसबाट केदार र सुकमानलाई चरेशसहित पक्राउ गरेको हो । मकवानपुर जिल्ला अदालतबाट १० दिनको म्याद अनुमति लिई प्रहरीले उनीहरुलाई हिरासतमै राखेर अनुसन्धान गरिरहेको जनाएको छ ।
