हेटौँडाः मकवानपुरको राक्सिराङ गाउँपालिकामा पोखरीमा डुबेर एक बालिकाको मृत्यु भएको छ । राक्सिराङ गाउँपालिका–६, सिलिङ्गेमा शेर बहादुर प्रजाको अन्दाजी ३ वर्षीया छोरी सुविक्षा प्रजाको पोखरीमा डुबेर मृत्यु भएको प्रहरीले जनाएको छ ।
शनिबार साँझ ७ बजेको समयमा घर नजिक रहेको ट्याङकी बनाएको पुरानो खाल्डोमा जमेको पानीमा प्रजाको छोरी डुबेर मृत अवस्थामा रहेको भन्ने खबर वडाध्यक्ष मार्फत प्राप्त हुनासाथ ईलाका प्रहरी कार्यालय मनहरीबाट प्रहरी निरीक्षकको कमाण्डमा प्रहरी खटिएको बताइएको छ ।
