हेटौंडाः बारा प्रहरीले ४ सय लिटर अवैध मदिरा बरामद गरी नियन्त्रणमा लिएको छ । शनिबार साँझ ७ बजेर ३० मिनेटको समयमा इलाका प्रहरी कार्यालय जीतपुर सीमरा उपमहानगरपालिकाले जीतपुरबाट अवैध मदिरा नियन्त्रणमा लिएको हो ।
जीतपुर सीमरा उपमहानगरपालिका नम्बर–७, पथलैबाट वीरगञ्जतर्फ आउँदै गरेको ना ५ ख ८७८९ नम्बरको यात्रुबाहक बसलाई रोकी चेकजाँच गर्दा डिक्कीमा लुकाइछिपाई राखेको २५ पोका अन्दाजी .४ सय लिटर अबैध घरेलु मदिरा बरामद गरेको हो । करिब ६० हजार रुपैयाँ बराबरको मदिरा नियन्त्रणमा लिई आवश्यक कारवाही अगाडि बढाएको बारा प्रहरीले जानकारी दिएको छ ।
