हेटौंडाः सिस्नुपानी नेपाल मकवानपुरले गाईजात्रा विशेष कार्यक्रम आयोजना गर्ने भएको छ । आगामी भदौ ४ गते सिस्नुपानीले गाईजात्रा विशेष हास्यव्यङ्ग्य कार्यक्रम आयोजना गर्ने भएको हो ।
गाईजात्रा भदौ ४ गते भए पनि ३ गते जनैपूर्णिमाको दिन सार्वजनिक विदा पर्ने भएकाले विविध हास्यव्यङ्ग्य कार्यक्रमको आयोजना गर्न लागेको संस्थाका अध्यक्ष राजकुमार लामिछाने जानकारी दिनुभएको छ । कार्यक्रममा हास्यव्यङ्ग्य कविता वाचन, क्यारिकेचरलगायत विविधि कार्यक्रम हुने उहाँले बताउनुभयो ।
हेटौंडा उपमहानगरपालिका ४ नम्बर वडा कार्यालयको सहयोगमा संस्थाले २०७८ सालदेखि गाईजात्रा विशेष कार्यक्रम गर्दै आएको छ । समाजमा विद्यमान विकृति, विसंगतिहरुलाई न्यूनीकरण गर्न र हास्यव्यङ्ग्यमार्फत् उजागर गर्नका लागि कार्यक्रम आयोजना गर्न लागेको उहाँले बताउनुभयो । कार्यक्रममा स्थानीय साहित्यकार र कलाकारहरुको प्रस्तुति रहनेछ ।
