हेटौँडाः हेटौँडा–५, पिप्लेस्थित हेटौँडा सिटी कलेज÷जेनिथले कानुन संकायतर्फ कक्षा १२ मा शतप्रतिशत नतिजा आएपछि सोमबार ¥याली निकालेको छ । शुक्रबार सार्वजनिक भएको कक्षा १२ को परीक्षाफलअनुसार कानुन संकायमा शतप्रतिशत विद्यार्थी उत्तीर्ण भएको खुसियालीमा कलेजले र्याली निकालेको हो ।
कलेजका प्रशासन तथा आइटी विभागका प्रमुख सुमन्त सिलवालका अनुसार कानुन संकाय अन्तर्गत १० जना विद्यार्थी कक्षा १२ को परीक्षामा सहभागी भएकोमा सबैजना उत्तीर्ण भएका छन् । कलेजकी मधुमिता यादवले सबैभन्दा बढी ३.६६ जीपीए हासिल गरेको उहाँले बताउनुभयो । कलेजले ३ वर्षदेखि अङ्ग्रेजी माध्यमबाट कानुन संकायको अध्यापन गराउँदै आइरहेको छ ।
सोमबार बिहान कलेज सञ्चालक समितिका अध्यक्ष रमिता पाण्डे, कलेजका प्राचार्य श्रीहादुर कार्की, विभागीय प्रमुख हरिहर खतिवडा र हेमन्त ढुङ्गेल लगायतको सहभागितामा र्याली निकालिएको हो ।
