हेटौंडाः नुवाकोट जिल्लाको सूर्यगढी गाउँपालिका–५, आमभञ्ज्याङमा एक जना पुरुष मृत फेला परेका छन् । मृत फेला पर्नेमा ६५ वर्षीय यज्ञबहदुर पौडेल रहेको बागमती प्रदेश प्रहरी कार्यालय हेटौंडाले जानकारी दिएको छ ।
पौडेल मंगलबार दिउँसो ४ बजेको समयमा घरमा कोहि कसैलाई केहि नभनी निस्की हिँडेका थिए । पौडेललाई खोजतलास गर्दै जाने क्रममा बिहीबार बिहान १० बजेको समयमा गोरेटो बाटो मुनि दुई ढुङ्गाको बिचमा मृत अवस्थामा फेला परेको प्रहरीले जनाएको छ । प्रहरीले घटनास्थल नजिकै मकैमा छर्ने बिषादीको बट्टा फेला पारेकाले अनुसन्धान कार्य भइरहेको जनाएको छ ।
