हेटौँडाः हिमालय राइडर्स सोसाइटीको आयोजनामा भएको हिमालयन जुनियर यु–१६ अपहिल साईक्लिङ प्रतियोगितामा हेटौँडाका आयुष दास प्रथम हुनु भएको छ । शनिबार भएको ४.३ किलोमिटरको रेसलाई २० मिनेट ५२ सेकेन्डमै पूरा गरी दास प्रथम हुनु भएको हो । साईक्लिङ प्रतियोगिताको रुट पिप्लेको रुदे्रश्वर महादेव मन्दिरदेखि मनकामना मन्दिरसम्म रहेको थियो ।
प्रतियोगितामा रिजन फुयाल द्वितीय, सक्षम श्रेष्ठ तृतीय, बरुन श्रेष्ठ चौथो र अनमोल दास पाँचौ हुनु भएको हिमालय राइडरस सोसाइटीका उपाध्यक्ष राजु थापा मगरले जानकारी दिनुभयो । स्थानीय स्तरबाट खेलाडी उत्पादन गर्दै मकवानपुरलाई साईक्लिङ्ग खेल मार्फत चिनाउने उद्देश्यले प्रतियोगिताको आयोजना गरिएको उहाँको भनाइ छ । खुल्ला साईक्लिङ प्रतियोगितामा सफल हुने पाँच जनालाई ट्रफी र प्रमाणपत्र वितरण गरिएको मगरले बताउनुभयो ।
