हेटौँडाः मकवानपुरको बकैया गाउँपालिकास्थित लोहजर खोलामा डुबेर एकजना वृद्धको मृत्यु भएको छ । मृत्यु हुनेमा बकैया–३, हात्तिसुँडेका ७१ वर्षीय भीम बहादुर लुङ्बा रहेको बागमती प्रदेश प्रहरी कार्यालय हेटौँडाले जनाएको छ ।
शुक्रबार साँझ ७ बजे बकैया–३ स्थित लोहजर खोलामा माछा मार्न जान्छु भनेर निस्केका लुङ्बा शनिबार साँझ ६ बजे मृत अवस्थामा भेटिएको हो । लुङ्बा घर नफर्केपछि छोराहरुले खोजतलास गर्दा घरबाट ५ सय मिटर पर खोलामा डुबेको अवस्थामा फेला परेको प्रहरीले जनाएको छ ।
