हेटौँडाः मकवानपुरको कैलाश गाउँपालिका–१०, कोशिराङमा भरुवा बन्दुकको छर्राले लागेर एक जना घाइते भएका छन् । घाइते हुनेमा ३१ वषीय बिजय घलान रहेको बागमती प्रदेश प्रहरी कार्यालय हेटौँडाले जानकारी दिएको छ ।
मंगलबार दिउँसो ४ बजेको समयमा घलानलाई आफ्नै बारीमा बाँदर लखेट्ने क्रममा भरुवा बन्दुक पट्काउदा छर्राले लागी घाईते भएका थिए । घाइते घलानलाई उपचारका लागि मोडेल अस्पताल मकवानपुर ल्याइएको प्रहरीले जानकारी दिएको छ । प्रहरीले घलानको निजकैबाट भरुवा बन्दुक नियन्त्रणमा लिएको छ । बन्दुकको लाईसेन्स समेत नभएको पाइएको र थप अनुसन्धान गरिरहेको प्रहरीले जनाएको छ ।
