हेटौँडाः पूर्व–पश्चिम राजमार्ग अन्तर्गत हेटौँडा–१५, रातोमाटेबाट मकवानपुर प्रहरीले लागुऔषध गाँजासहित १ जनालाई पक्राउ गरको छ । पक्राउ पर्नेमा महोत्तरी जिल्ला एकडांडा गाउँपालिका–४ का २८ वर्षीय राम लोप्चन ठाकुर रहेको बागमती प्रदेश प्रहरी कार्यालय हेटौँडाले जानकारी दिएको छ ।
बुधबार दिउँसो १ बजेर ३० मिनेटको समयमा पुर्व–पश्चिम सडक खण्डमा चेकिङ टोलीले हेटौँडाबाट पथलैया तर्फ जाँदै गरेको बा ४ ख १९३४ नम्बरको बसलाई सुरक्षा जाँच गर्दा बसमा सवार ठाकुरको साथबाट लागुऔषध गाँजा बरामद गरेको थियो । प्रहरीले ठाकुरको साथबाट ४ किलो ५ सय ग्राम गाँजा बरामद गरेको थियो । लागुऔषध गाँजासहित ठाकुरलाई नियन्त्रणमा लिई थप अनुसन्धानका लागि जिल्ला प्रहरी कार्यालय मकवानपुर लगिएको प्रहरीले जानकारी दिएको छ ।
