हेटौँडाः हेटौँडा–सिन्धुली सडकअन्तर्गत मकवानपुरको बागमती गाउँपालिका–४ चाँदेपुलमा स्कुटर र ट्याक्टर आपसमा ठोक्किएर दुर्घटना हुँदा एकजनाको मृत्यु भएको छ ।
बुधबार साँझ अन्दाजी ७ बजेको समयमा झुरझुरेबाट हेटौँडातर्फ आउँदै गरेको ना ६६ प ९३०३ स्कूटर र विपरित दिशाबाट जाँदै गरेको ना ७ त २२५९ नम्बरको ट्याक्टर आपसमा ठोक्किएर दुर्घटना हुँदा हेटौँडा–१३ का ४५ वर्षीय केशव मुडभरीको मृत्यु भएको हो । दुर्घटनामा परी गम्भीर घाइते भएका मुडभरीको उपचारको क्रममा हेटौँडा अस्पतालमा मृत्यु भएको हो । मुडभरी विद्यालय सञ्चालक, स्टेशनरी व्यवसायी समेत हुनुहुन्थ्यो । प्रहरीले ट्याक्टर नियन्त्रणमा लिएको छ भने चालकको खोजी कार्य भइरहेको जनाएको छ ।
