हेटौंडाः सिन्धुली जिल्लाको सुनकोशी गाउँपालिका–७, भकुण्डे सामुदायिक वनको पहरामा एक जना पुरुष मृत फेला परेका छन् । मंगलबार स्थानीयले जानकारी गराएपश्चात् जंगलको पहरामा रहेको लहारामा खुट्टा अल्झिएको अवस्थामा अन्दाजी ४० वर्षीय पुरुष सडी, गली सकेको अवस्थामा फेला परेको बागमती प्रदेश प्रहरी कार्यालय हेटौंडाले जानकारी दिएको छ । शव पहिचान गर्न नसक्ने अवस्थामा रहेको र अनुसन्धान कार्य भइरहेको प्रहरीले जनाएको छ ।
