हेटौंडाः साहित्य संगम मकवानपुरले ३ वटा उत्कृष्ट कृति छनोट गरी सार्वजनिक गरेको छ । आइतबार एक सूचना प्रकाशन गर्दै संगम मकवानपुरका अध्यक्ष डीबी बर्तौलाले ३ वटा कृति सार्वजनिक गर्नुुभएको हो ।
संगमले कृति सम्मान समर्पणका लागि मकवानपुरबाट २०७९ सालमा प्रकाशन भएकामध्ये उत्कृष्ट भएका ३ वटा कृति सार्वजनिक गरेको जनाएको छ । प्रकाश गुरागाईंको जक्सन पिपलबोट, दामोदर पुडासैनीको डोल्पो ओ डोल्पो र छवि अनित्यको शिक्षकको भाषा उत्कृष्ट कृतिमा पर्न सफल भएको छ । प्रकाशन भएको ३ कृतिहरुमध्ये सर्वोकृष्ट कृतिकारलाई संगमको कृति सम्मान २०७९ बाट सम्मान गर्नेछ ।
