हेटौँडाः हेटौँडा–२ स्थित मकवानपुर बहुमुखी क्याम्पसमा प्राध्यापकका लागि डिजिटल पेडागोजीसम्बन्धी २ दिने तालिम सुरु भएको छ । शनिबार र आइतबार सञ्चालन हुने तालिममा मकवानपुर बहुमुखी क्याम्पस र बारा जिल्लास्थित सिमरा बहुमुखी क्याम्पसका प्राध्यापकहरुको सहभागिता रहेको छ ।
तालिममा डा. दीर्घराज जोशीले सहजीकरण गर्नुहुनेछ । शनिबार बिहान मकवानपुर बहुमुखी क्याम्पसका प्रमुख डा. यमबहादुर सिलवालको अध्यक्षता तथा क्याम्पस सञ्चालक समितिका अध्यक्ष अनन्तप्रसाद पौडेलको प्रमुख आतिथ्यमा तालिमको उद्घाटन कार्यक्रम भएको छ । कार्यक्रममा क्याम्पस सञ्चालक समितिका उपाध्यक्ष अशोक शाक्य, सञ्चालक समिति सदस्य ललितबहादुर घलानको आतिथ्य रहेको थियो ।
