हेटौँडाः पूर्व–पश्चिम राजमार्ग अन्तर्गत हेटौँडा–१५, रातोमाटे चेकपोष्टबाट प्रहरीले अवैध १० बोरा युरीया मल बरामद गरेको छ ।
आइतबार दिउँसो २ बजेर ३० मिनेटको समयमा पूर्व–पश्चिम सडक खण्डमा खटिएको प्रहरी चेकिङ टोलीले वीरगंजबाट हेटौँडातर्फ आउदै गरेको ना ३ ख ७८२० नम्बरको यात्रुवाहक बसलाई सुरक्षा जाँच गर्दा बस भित्र १० बोरा युरिया मल फेला पारी नियन्त्रणमा लिएको बागमती प्रदेश प्रहरी कार्यालय हेटौँडाले जानकारी दिएको छ । युरिया मल नियन्त्रणमा लिई प्रहरी चौकी रातोमाटेमा राखेको र बसलाई गन्तब्य तर्फ पठाएको प्रहरीले जानकारी दिएको छ ।
