हेटौँडाः सिन्धुपाल्चोक जिल्लामा एकजना कैदीको मृत्यु भएको छ । मृत्यु हुनेमा मेलम्ची नगरपालिका–१०, बकुवाटोल घर भई हाल कर्तव्यज्यान मुद्दामा जिल्ला कारागार चौतारामा रहेका ५३ वर्षीय कृष्ण नेपाली रहेको बागमती प्रदेश प्रहरी कार्यालय हेटौँडाले जानकारी दिएको छ ।
आइतबार दिउँसो १ बजेको समयमा नेपाली बसिरहेको अवस्थामा अचानक बहोस भएका थिए । बेहोस भएका नेपालीलाई उपचारका लागि जिल्ला अस्पताल चौतारा लगिएकोमा उपचारको क्रममा साँझ ५ बजेर १६ मिनेटको समयमा डाक्टरले मृत घोषणा गरेको प्रहरीले जानकारी दिएको छ । नेपाली २०७५ सालदेखि कैद सजाय भुक्तान गर्दै आएका थिए ।
