हेटौँडाः लागुऔषध गाँजासहित सिरहा जिल्लाका रामसागर राउत पक्राउ परेका छन् । मकवानपुर प्रहरीले आइतबार बिहान ८ बजेको समयमा राउतलाई हेटौँडा–१५, रातोमाटेबाट पक्राउ गरेको हो ।
नारायणघाटबाट धरानतर्फ जाँदै गरेको को १ ख ७९१४ नम्बरको यात्रुवाहक बसलाई रोकी सुरक्षाजाँच गर्ने क्रममा बसमा सवार ४२ वर्षीय राउतको साथबाट ५ किलो २ सय ग्राम लागुऔषध गाँजा बरामद भएको मकवानपुर प्रहरीले जनाएको छ । राउतलाई हिरासतमै राखेर अनुसन्धान गर्न प्रहरीले मकवानपुर जिल्ला अदालतबाट १२ दिनको म्याद अनुमति पाएको छ ।
