हेटौँडाः हेटौँडा–८ स्थित कमाने क्रिकेट क्लबको आयोजनामा जारी दास्रो संस्करणको कमाने टि–१० प्रिमियर लिग क्रिकेट प्रतियोगिताको आज आइतबार फाइनल खेल हुँदैछ । प्रतियोगिताको उपाधीका लागि कमाने हन्र्टस र कमाने राइडर्स भिड्दैछन् ।
दुवै टिमबीचको फाइनल खेल दिउँसो ३ बजे सुरु हुनेछ । आइतबार बिहान भएको पहिलो सेमिफाइनल खेलमा कमाने राइडर्स कमाने लाइन्सलाई ७ विकेटले हराउँदै फाइनलमा प्रवेश गरेको हो । टस जितेर ब्याटिङको निम्तो पाएको लायन्सले निर्धारित १० ओभरमा जम्मा ५९ रन मात्र बनायो ।
यस्तै, दोस्रो सेमिफाइनल खेलमा कमाने हन्टर्सले कमाने टाइगरलाई २३ रनले हराउँदै फाइनलमा प्रवेश गरेको हो । टस जितेर ब्याटिङ रोजेको हन्टर्सले १० ओभरमा ५ विकेट गुमाएर टाइगरलाई ८५ रनको लक्ष्य दिएकोमा टाइगरले ६१ मात्र बनाउन सक्यो ।
प्रतियोगिताको उपाधि विजेता टिमले २५ हजार रुपैयाँ र उपविजेता टिमले १५ हजार रुपैयाँ सहित शिल्ड मेडल तथा प्रमाणपत्र प्राप्त गर्नेछन् ।
