हेटौंडाः हेटौँडा–११, नवलपुरस्थित नवयुवा बचत तथा ऋण सहकारी संस्था लिमिटेडको स्थापना दिवसमा रक्तदान कार्यक्रम आयोजना गरिएको छ । १५ औं स्थापना दिवसको अवसरमा शुक्रबार बिहान आयोजना गरिएको कार्यक्रममा २० जनाले रक्तदान गरेका छन् ।
३ जना महिला र १७ जना पुरुषले रक्तदान गरेको रक्तसञ्चार केन्द्र हेटौंडाले जनाएको छ । सहकारीका अध्यक्ष फुलमान श्रेष्ठ र कोषाध्यक्ष खेमराज सापकोटाले ब्लड व्याग हस्तान्तरण गर्नुहुँदै रक्तदान कार्यक्रमको उद्घाटन गरिएको थियो । यस्तै भोलि शनिबार बिहान कृष्ण प्रणामी युवा परिषद्को आयोजनामा मन्दिर परिसरमा रक्तदान कार्यक्रम हुँदैछ ।
