हेटौँडाः लागुऔषध गाँजासहित २ जनालाई मकवानपुर प्रहरीले पक्राउ गरेको छ । मंगलबार बिहान साढे ९ बजेको समयमा हेटौँडा–१०, बसर्पाबाट धनुषा जिल्लाको सागरनाथ नगरपालिा–८ का ४३ वर्षीय देवनारायण दास र सिराहा जिल्लाको कर्जनहा नगरपालिका–८ का ४२ वर्षीय रामसागर साहलाई प्रहरीले ९ केजी लागुऔषध गाँजासहित पक्राउ गरेको हो ।
हेटौँडाबाट जनकपुरतर्फ जाँदै गरेको ना ५ ख २१६५ नम्बरको बसमा सादा पोशाकमा रहेका प्रहरी टोलीले सुरक्षाजाँच गर्दा बसमा सवार दास र साहलाई पक्राउ गरेको हो । दासको साथबाट प्रहरीले ३० हजार रुपैयाँ पनि बरामद गरेको जनाएको छ । प्रहरीले दुबैजनालाई हिरासतमा राखी आवश्यक अनुसन्धान गरिरहेको मकवानपुरका प्रहरी प्रवक्ता टेकबहादुर कार्कीले जानकारी दिनुभएको छ ।
