हेटौंडाः पूर्व –पश्चिम राजमार्गअन्तर्गत मकवानपुरको मनहरी गाउँपालिका ज्यामीरेमा मोटरसाइकल दुर्घटना हुँदा दुईजनाको मृत्यु भएको छ ।
आइतबार राती ८ बजेर १५ मिनेटको समयमा मनहरी–९, ज्यामिरेमा सडक छेउमा बिग्रिएर रोकी राखेको ना ५ ख ७४७२ नम्बरको ट्रकको पछाडि भागमा चितवनबाट हेटौँडातर्फ आउँदै गरे को ना ५७ प २३१ नम्बरको मोटरसाइकल ठोक्किएर दुर्घटना भएको थियोे । दुर्घटनामा मोटरसाइकल चालक मनहरी–९ का २२ वर्षीय शम्भु गिरी र मोटरसाइकलको पछाडि सवार २१ वर्षीय सुशील गिरीको उपचारको क्रममा पुरानो मेडिकल कलेज भरतपुरमा मृत्यु भएको प्रहरीले जनाएको छ ।
दुर्घटनापछि स्थानीयले अबरुद्ध गरेको राजमार्ग राती ११ बजेर १० मिनेटमा सुचारु भएको प्रहरी नायब उपरीक्षक टेकबहादुर कार्कीले जानकारी दिनुभयो । ट्रक चालक ईलाका प्रहरी कार्यालय मनहरीको नियन्त्रणमा रहेको प्रहरीले जनाएको छ ।
