हेटौँडाः साहित्यिक क्रियाकलापलाई मात्रै समावेश गर्ने उद्देश्यले नवसाहित्य डटकम सञ्चालनमा आएको छ । शनिबार एक समारोहका बीच लेखक खगेन्द्र संग्रौला र युग पाठकले संयुक्तरुपमा साहित्यिक अनलाइनको सुरुवात गर्नुभयो ।
नेपाली भाषा साहित्य विषयका उपप्राध्यापक निमेष निखिलको सम्पादनमा नवसाहित्य डटकम सञ्चालनमा आएको हो । शनिबार साहित्य संगम/सिस्नुपानी मकवानपुरको सभाकक्षमा आयोजना गरिएको उद्घाटन कार्यक्रममा सहभागीले मकवानपुरको साहित्यलाई विश्वव्यापीकरण गर्न अनलाइन माध्यम उपयोगी हुने विश्वास व्यक्त गरेका छन् । सहभागीले विशिष्ट कामको सुरुवातसँगै यसको नियमितताका लागि चुनौति रहेको बताएका छन् । कार्यक्रममा जिल्लामा क्रियाशील साहित्यिक संघ, संस्थाका प्रतिनिधिको सहभागिता रहेको थियो ।
