हेटौँडाः हेटौँडा–१५ रातोमाटे चेकपोष्टबाट प्रहरीले लागुऔषध नाईट्रोभेट सहित एक जनालाई पक्राउ गरेको छ । पक्राउ पर्नेमा चितवन जिल्लाको रत्ननगर नगरपालिका–२, बुद्ध टोल बस्ने २२ वर्षीय साकिर अन्सारी रहेको प्रदेश प्रहरी कार्यालय हेटौँडाले जानकारी दिएको छ ।
मंगलबार दिउँसो ४ बजेको समयमा बीरगन्जबाट हेटौँडातर्फ आउदै गरेको बा ५ ख ६५७२ नम्बरको यात्रु बाहक माईक्रोलाई शंका लागि सुरक्षा जाँच गर्दा माईक्रोमा सवार अन्सारी साथबाट लागुऔषध नाईट्रोभेट–२ फाईल ३० वटा ट्याब्लेट फेला पारेको प्रहरीले जनाएको छ । लागुऔषध नाईट्रोभेट सहित अन्सारी नियन्त्रणमा लिई अनुसन्धान भईरहेको प्रहरीले जनाएको छ ।
