हेटौँडाः मकवानपुर प्रहरीले हेटौँडा–१९, स्थित अधेरी खोलाबाट १ सय ५० किलो लागुऔषध गाँजासहित भारतीय ट्रकलाई नियन्त्रणमा लिएको छ । बुधबार नेवारपानीबाट खटिएको प्रहरी टोलीले पुर्व पश्चिम सडकखण्डमा रोकी राखेका आर जे ०२ जि ए ८३८८ नम्बरको भारतीय ट्रकलाई शंका लागि सुरक्षा जाँच गर्दा लागुऔषध गाँजा फेला परेको जिल्ला प्रहरी कार्यालय मकवानपुरले जानकारी दिएको छ ।
ट्रकको ड्राईभर बस्ने सिट देखि माथीको भागमा लुकाई छिपाई ल्याएको प्लाष्टिकको टेपले रोलिङ गरेको लागुऔषध गाँजा १५ पोका फेला पारेको थियो । ट्रकमा चालक सहचालक कोहिपनि नभएको खोजि कार्य भईरहेको प्रहरीले जनाएको छ । प्रहरीले फेला पारेको लागुऔषध गाँजा सहित ट्रकलाई नियन्त्रणमा लिई अनुसन्धान गरिरहेको छ ।
