हेटौँडा–१५, स्थित रातोमाटे प्रहरी चेकपोष्टबाट १ लाख २५ हजार बराबरको अबैध कपडा बरामद गरेको छ । शुक्रबार बिरगंजबाट नारायणगढ जाँदै गरेको ग २ ख ११६५ नम्बरको यात्रु बाहक बसलाई सुरक्षाजाँच गर्दा अबैध कपडा बरामद गरेको प्रदेश प्रहरी कार्यालय हेटौँडाले जानकारी दिएको छ ।
बसमा लुकाई छिपाई ल्याएको जिन्स पाईन्ट–९ पिस, बच्चाको कोट सेट–८ पिस, कलर टिसर्ट–११ पिस, टि सर्ट–१२ पिस, फुल सर्ट–३० पिस, हाफ सर्ट–१८ पिस, लेडिज टप–५३ पिस, लेगिज–१२ पिस र लेडिज टिसर्ट–८ पिस गरि १ लाख २५ हजार बराबरको कपडाहरु बरामद गरेको प्रहरीले जानकारी दिएको छ । कपडाहरु नियन्त्रणमा लिई बसलाई गन्तब्य तर्फ पठाइएको प्रहरीले जनाएको छ ।
